Udhëheqësit e organizatës terroriste Shteti Islamik u kanë bërë thirrje ekstremistëve dhe pasuesve të tyre që të “hakmerren” pas dy sulmeve në xhamitë e Zelandës së Re, ku mbetën të vdekur 50 persona dhe po aq të tjerë u lënduan, transmeton Reporteri.net
Një nga udhëheqësit e ISIS-it, Abu Hassan al-Muhajir, e bëri këtë thirrje në një audio incizim prej 44 minutash.
Supremacisti i bardhë, Brenton Tarrant të premten vrau 50 persona në dy xhami në Zelandë të Re.
Al-Muhajir i dha fund heshtjes gjashtë mujore për të bërë thirrje për hakmarrje.
“Skenat e masakrave në dy xhami duhet të zgjojnë ata që janë mashtruar dhe duhet të inkurajojnë mbështetësit e kalifatit për hakmarrje në emër të fesë së tyre”, tha ai. /Reporteri.net