Shifra alarmante, trefishohen rastet e fruthit në botë

Shifra alarmante raportohen sipas Organizatës Botërore të Shëndetësisë rreth rasteve të fruthit në botë.


Ndërkohë, në tre muajt e parë të 2019-ës, raportohet të jetë trefishuar numri i rasteve të fruthit krahasuar me një vit më parë.

Kontinenti i Afrikës ka përjetuar rritjen më dramatike me 700 për qind, ndjekur nga Evropa me 300 për qind, dhe Mesdheu Lindor me 100 për qind thuhet në raportin e Organizatës Botërore të Shëndetësisë.

Gjithashtu bëhet me dije se në total në këtë periudhë u raportuan mbi 112 mijë të infektuar me virusin shpeshherë fatal, por numri mund të jetë më i madh pasi autoritetet druhen se raportohen vetëm një e dhjeta e pacientëve.

Shqipëria po ashtu ka njoftuar mbi 137 raste deri në muajin shkurt, ndërsa gjatë gjithë vitit të kaluar u diagnostikuan mbi 1,400 pacientë.