Gjyshja e terroristit, Brenton Tarrant i cili në Zelandë të Re la të vdekur 50 besimtarë myslimanë, tha se nuk mund të besoj që një krim kaq monstruoz është kryer nga nipi i tij, shkruan AP, transmeton Reporteri.net
Mary Fitzderard (81) tha se vrasësi gjakftohtë i cili filmoi veten duke vrarë myslimanët të cilët po kryenin lutjet e së premtes në xhami, nuk është nipi të cilin ajo e njeh.
“Pjesën më të madhe të kohës gjatë rritjes e ka kaluar duke luajtur lojëra kompjuterike”, tha ajo.
Sipas fjalëve të saj, Brenton ishte “fëmijë normal”, i lumtur, por kur babai i vdiq nga kanceri në vitin 2010, kjo ngjarje la “gjurmë” të mëdha tek ai. Pas kësaj, ai shtatë vite me radhë udhëtoi nëpër Evropë dhe Azi.
“Para 12 muajve u kthye në Grafton për ditëlindjen e motrës, por nuk kemi vërejtur asgjë të çuditshme”, zbulon gjyshja e tij.
Hetuesit besojnë se Tarrant para dy viteve kishte planifikuar sulmet, ndërkohë që jetonte në Zelandë të Re.
Familja mori vesh për ngjarjen makabër nëpërmjet televizionit.
“Gjëja e parë që e mendova është se kjo është e pamundur, derisa pashë fotografinë e tij…Kjo nuk është mirë…Kjo është e pakorrigjueshme”, deklaroi daja i sulmuesit. /Reporteri.net
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
