Të paktën 25 persona të vdekur nga një shpërthim afër një shkolle në Kabul

Një shpërthim pranë një shkolle në një lagje në Kabulin perëndimor ka lënë të vdekur të paktën 25 persona, shumë prej tyre nxënës të rinj; dhe ka lënë të lënduar disa të tjerë, tha ministria brendshme e Afganistanit.


Sipas Al Jazeera, përcjell Telegrafi, ambulancat u mobilizuan për të evakuuar të plagosurit nga vendi i shpërthimit i cili ndodhi të shtunën pranë shkollës Syed Al-Shahda, tha zëdhënësi i ministrisë së brendshme, Tariq Arian.

Arian ka deklaruar se si pasojë e këtij shpërthimi pësuan lëndimet të paktën 52 persona.

Zëdhënësi i ministrisë së brendshme megjithatë nuk specifikoi shkakun ose cakun e shpërthimit.

Lidhur me këtë rast, autoritetet shëndetësore kanë deklaruar se 46 persona ishin dërguar në spitale deri më tani.