Turqia dënoi ashpër miratimin nga parlamenti francez të një rezolute, që kritikonte operacionin e saj ushtarak kundër milicisë kurde në verilindje të Sirisë.

“Ne refuzojmë dhe dënojmë me forcë vendimet e marra në Francë nga Senati dhe Asambleja Kombëtare mbi operacionin “Burimi i Paqes””, deklaroi Ministria e Jashtme turke.

Me këtë rezolutë, Asambleja Kombëtare franceze pohoi mbështetjen e saj të palëkundur ndaj Forcave Demokratike Siriane (SDF), përbërë kryesisht nga Njësitë e Mbrojtjes Popullore (YPG), një milici e konsideruar terroriste nga Ankaraja.