Një çift çek, ka ndezur një zemërim të madh në shoqëri, sidomos në atë online, pasi kanë shpërndarë në ‘Instagram’ pamjet banale, ku duket djali që spërkat të pasmet e të dashurës me ujë të shenjtë në një tempull të shenjtë, në Bali të Indonezisë.

Modelja e ‘Fitspo’ Sabina Dolezalova ishte ajo që shpërndau videon në rrjetet sociale.

Tani çifti nga Republika Çeke, po përballet me Dr.Arya Wedakarna, një senatore në Bali. Shkak, sigurisht është video e pahijshme, e cila është filmuar në tempullin e shenjtë Beji.

Dr. Wedakarna tha se çifti po ‘përdhos’ tempullin, ndërsa përdoruesit e mediave sociale kritikojnë të rinjtë për veprimet e tyre ‘të neveritshme’ dhe ‘të papranueshme’.

Disa njerëz madje thanë që ata të renditen në ‘listën e zezë’ nga Bali.

“Unë nuk jam nga Bali dhe as Hindu, por jam shumë i fyer nga marrëzia e tyre. Realisht është vërtet fyese për Indonezinë”, shkruajti një grua.