Google ka fituar sfidën e saj ndaj një gjobe prej 1.49 miliardë eurosh, nga BE- ja për bllokimin e reklamuesve rivalë të kërkimit online, raporton ‘’BBC’’, përcjell Gazeta Online Reporteri.net.

Blloku akuzoi Google për keqtrajtimin e dominancës së tij në treg për të kufizuar rivalin e tretë nga shfaqja e reklamave të kërkimit midis vitit 2006 dhe 2016.

Gjykata e dytë më e lartë në Evropë vendosi se Komisioni Evropian i cili vendosi gjobën ‘’ka bërë gabime në vlerësimin e tij’’.

Komisoni tha se ‘’do të reflektojë mbi hapat e mundshëm të ardhshëm’’ të cilat mund të përfshijnë një apel në gjykatën më të lartë të BE-së.

Google e mirëpriti vendimin.

‘’ Ne jemi të kënaqur që gjykata ka njohur gabimet në vendimin origjinal dhe ka anuluar gjobën’’ tha ai në një deklaratë.

‘’Ne do të shqyrtojmë vendimin e plotë me kujdes’’ shtoi ai.

Është një fitore e rrallë për gjigantin teknologjik, i cili u godit me gjobë me vlerë totale prej 8.2 miliardë eurosh midis 2017 dhe 2019 për shkelje të ligjit të konkurrencës.

Ai dështoi në përpjekjen e tij për të anuluar një nga ato gjoba javën e kaluar.

Nuk është vetëm në Evropë ku nën presion për biznesin e tij shumë të njohur të reklamave.

Në fillim të këtij muaj, Autoriteti i Konkurrencës dhe Tregut në Britaninë e Madhe (CMA) e gjeti përkohësht se ai përdorte praktika antikonkurruese për të dominuar tregun.

Qeveria amerikane gjithashtu po e çon gjigantin teknologjik në gjykatë për të njëjtën çështje, me prokurorët që pretendojnë se kompania e tij amë, Alphabet, operon ilegalisht, një monopol në treg.

Alphabet ka argumentuar se dominanca e saj në treg është për shkak të efektivitetit të produkteve të saj. /Reporteri.net/