Është spiunuar gjatë testimeve versioni tërësisht elektrik i Volkswagenit “ID.6 SUV”. Ai pritet të lansohet vitin e ardhshëm për tregun kinez, teksa s’ka asnjë fjalë për tregun evropian.

Modeli i ri ishte paralajmëruar si koncept në panairin e 2019-s në Shangai.“ID.6” do të ketë fytyrën e njëjtë të familjes “ID”, me drita e formën e njëjtë të strukturës.

Edhe pjesa e pasme e automobilit do të jetë identike me modelin “ID.4”, shkruan “Auto-Express”.

Ngjashmëritë nuk mungojnë as në brendi të modelit. “ID.6” do të ketë një çift motorësh elektrikë, një para dhe një pas në veturë, që bashkë kanë kapacitet prej 302 kuajfuqish e përshpejtimin nga 0 në 100 kilometra për orë e arrin për më pak se shtatë sekonda.

Ende s’dihet sa mund të ecën kjo veturë me një mbushje të plotë të baterisë.