Ministri i Punëve të Jashtme të Republikës së Tanzanisë, Mahmoud Thabit Kombo, në edicionin e tretë të Forumit Ndërkombëtar për Gratë, Paqen dhe Sigurinë që po mbahet në Prishtinë tha se shteti i tij e mbështet angazhimin e Kosovës për paqe.

Sipas tij, Tanzania dhe Kosova kanë histori të ngjashme, por nuk ia dinë historitë hollësisht njëra-tjetrës.

Thabit Kombo tha se para disa ditësh ka kuptuar më shumë për historinë e Kosovës, pasi në Afrikë kanë mësuar nga historia se ka një vend këtu që ka ekzistuar më parë e që ishte Jugosllavia.

“Kemi shumë ngjashmëri dhe një prej ngjashmërive është që edhe ne kemi presidente dhe presidentja më ka deleguar për këtu, e cila ka një koncept të ngjashëm me presidenten tuaj [Vjosa Osmani]” – tha Thabit Kombo.