Zëdhënësi për media në Ministrinë e Shëndetësisë, Faik Hoti, ka bërë të ditur numrin e punëtorëve shëndetësorë që janë të prekur me Covid-19 në Kosovë.

Sipas tij, 12 mjekë janë prekur me Covid-19 në institucione shëndetësore, 4 mjekë janë sëmurë jashtë institucioneve shëndetësore.

Ai këto i bëri të ditur me anë të një grafikoni të publikuar në rrjetin social Facebook, ku më tej del se 16 infermiere janë prekur në institucion shëndetësor dhe 2 jashtë institucioneve shëndetësore.

Kujtojmë se 608 është numri i të infektuarve me koronavirus në Kosovë, 18 kanë vdekur dhe 128 janë shëruar. Instituti i Shëndetit Publik ende nuk ka publikuar rezultatet e mostrave të testuara sot.

https://www.facebook.com/faik.hoti.14/posts/10158293379040816