Në Kosovë situata epidemiologjike me virusin COVID-19 po vazhdon të jetë e përmirësuar dhe shumë më stabile sesa muajin e kaluar.

Edhe gjatë 24 orëve të fundit, numri i pacientëve të shëruar me koronavirus ishte më i lartë sesa i rasteve të reja, shkruan lajmi.net.

Gjatë 24 orëve të fundit janë testuar 580 persona të dyshuar për virusin COVID-19 dhe vetëm 46 prej tyre kanë rezultuar pozitivë.

Gjatë ditës së fundit, në Kosovë nuk është raportuar asnjë rast i vdekjes.

Numri total i rasteve pozitive është 15.620 raste nga 67.874 persona të dyshimtë në virusin SARS-CoV-2 dhe 625 raste të vdekjes.

Në anën tjetër, numri i të shëruarve nga koronavirusi me 62 rastet e fundit ka shkuar në 13,554 raste.

Kështu, në Kosovë kanë mbetur aktualisht edhe 1441 raste aktive. /