Presidentja e Republikës së Kosovës, Vjosa Osmani, ka takuar sot në mëngjes kontigjentin prej 152 pjesëtarësh të Forcës së Sigurisë së Kosovës, të cilët janë nisur drejt Shteteve të Bashkuara të Amerikës, për të marrë pjesë në programin e avancuar të trajnimit JRTC (Joint Readiness Training Center).

Përmes një postimi në Facebook, Osmani ka bërë të ditur se takimi me ushtarët u zhvillua menjëherë pas kthimit të saj nga SHBA. Ajo u ka uruar atyre rrugë të mbarë dhe suksese në misionin e tyre trajnues.

“Me të arritur nga SHBA, i urova rrugë të mbarë e suksese kontigjentit prej 152 ushtarëve të FSK-së që po udhëtonin për SHBA për programin e trajnimit JRTC,” ka shkruar Osmani.