Ngjarja që ka ndodhur sonte në fshatin Nec të Gjakovës, ku mbeti i vdekur një 22 vjeçar, po dyshohet të jetë vetëvrasje aksidentale.

Një 22 vjeçar nga Gjakova po dyshohet se u vetëvra aksidentalisht, sonte në fshatin Nec të kësaj komune, shkruan Reporteri.net. Ngjarja ka ndodhur rreth orës 19:50.

Rastin për Gazetën Online ‘Reporteri.net’ e ka konfirmuar stacioni policor në Gjakovë.

Dy dëshmitarë që thonë se panë rastin, siç mëson Gazeta Online ‘Reporteri.net’, kanë pohuar se ngjarja ndodhi aksidentalisht.

Reporteri.net mëson se, dyshohet se, i riu me iniciale D.Gj., ishte duke pastruar armen, në momentin kur pa dashje e shkrepi në drejtim të vetes.

“Viktima ka ndërruar jetë në vend të ngjarjes”, ka deklaruar për Reporterin, Nusret Gjurkaj, nga Policia e Gjakovës.