Shqipëria gjatë ditës së sotme është tronditur nga një tërmet i fuqishëm, i cili ka lënë dhjetëra të vdekur dhe qindra të lënduar.

Gjatë ditës u raportua se edhe dy shtetas të Kosovës kanë mbetur të bllokuar nën rrënojat e një hoteli në Durrës.

Bëhet fjalë për vëllezërit Shemsedin e Isa Abaz nga fshati Livoç i Gjilanit. Para pak minutash mediat shqiptare kanë raportuar se njëri nga ta është  nxjerrë i vdekur nga forcat e policisë dhe ushtria, shkruan Reporteri.net.

Gjatë ditës, 29 vjeçari nga Kosova, së bashku me vëllain e tij, kishin kërkuar ndihmë përmes telefonit nga familjarët.

Ndërkohë, ende nuk dihet për fatin e vëllai të tij, i cili po ashtu u raportua se ndodhet nën rrënoja.

Ndërkohë, bilanci i viktimave nga tërmeti në Shqipëri ka shkuar në 17. /Reporteri.net/.