Presidenti i Kosovës, Hashim Thaçi ka njoftuar se sonte në orën 20:00 do të flas për katër ditët e kaluara në Hagë.

Thaçi dje ka arritur në Kosovë, ku është pritur nga qindra qytetarë.

Këtë e ka bërë të ditur gjatë ditës së djeshme përmes një postimi në profilin e tij në Facebook, derisa ka thënë se askush nuk mund ta rishkruajë historinë e Kosovës.

“Sapo kam zbritur në Tiranë, nga kthimi prej Hagës dhe në mbrëmje do të arrij në Kosovë. Nesër në orën 20:00 do të flas për katër ditët e kaluara në Hagë. Ju uroj një fundjavë të bukur. Ju siguroj se askush nuk mund ta rishkruajë historinë tone”, kishte shkruar ai në rrjetin social Facebook gjatë ditës së djeshme.