Kryeministri i Republikës së Kosovës, Avdullah Hoti, pas kthimit nga Brukseli ka folur për procesin e dialogut të drejtuar nga BE-ja dhe për anulimin e udhëtimit në Washington.

Hoti ka thënë se Kosova është e përkushtuar që dialogu s’ka alternativë dhe si proces duhet të përmbyllet shumë shpejtë, meqë ka interesim shumë të madh nga Brukseli dhe Washingtoni.

Ai gjithashtu ka treguar se ka qenë në komunikim intensiv me ambasadorin Grenell, për anulimin e takimit të 27 qershorit, derisa ka shtuar se shumë shpejtë do të caktohet data e re e takimit në Washington.

I pyetur nga një gazetar se a pritet që javën e ardhshme, emisari Grenell ta vizitojë Kosovën, Hoti ka thënë se nuk ka informacion për këtë çështje, shkruan Reporteri.

“Nuk e di se a do të jetë në Prishtinë, nuk kam informata. Dakordimi ynë është që takimi do të mbahet së shpejti”, u shpreh shkurt Hoti. /Reporteri.net