Aleanca për Ardhmërinë e Kosovës, sot ka finalizuar listën e kandidatëve për deputet për zgjedhjet e 6 tetorit.

Tërheqja e numrit nga kandidatët është bërë nëpërmes shortit, ndërsa publikimi i listës do të bëhet nesër në ora 19:00, në Pallatin e Rinisë, në Prishtinë, ku edhe do të bëhet shpalosja e programit dhe prezantimi kandidatëve.

Sidoqoftë, deri tash është konfirmuar se pesëshja e koalicionit është: 1. Ramush Haradinaj, 2. Visar Ymeri, 3. Magbule Shkodra, 4. Burim Ramadani dhe 5. Anton Berisha.

Ndërkaq, ka befasuar radhitja e Shpend Ahmetit, i cili doli i 110 në listë.