Kryetari i Lidhjes Demokratike të Kosovës, Lumir Abdixhiku, ka përmbledhur planin e tij për sportin, ku ka thënë se në një lokacion të përbashkët do të bëhet ndërtimi i Stadiumit Kombëtar me 25-30 mijë ulëse, Pallati i sporteve me dorë me me 8 mijë ulëse, Pishina Olimpike me 3 mijë ulëse dhe Gaming Hall me 2 mijë ulëse, shkruan Reporteri.net.

Abdixhiku ka thënë se ky project është prezantuar tashmë para investitorëve potencial dhe se kostoja e përgjithshme është rreth 60 milionë euro.

“Ky projekt, është prezentuar tashmë dhe para investitorëve potencial. Kostoja e gjithmbarshme është rreth 60 milionë euro – pak a shumë aq sa u shpërndanë sot me një vendim! Po. Aq sa u shpërndanë vetëm sot!

Pra, për të gjithë ata që pyesin se nga paratë – u them se Kosova ka para, ka mundësi ka dhe nevojë – sidomos nevojë për investime që lënë shenjë një kohë e krijojnë zhvillim. Kosova nuk ka një Qeveri që bën punë me 12 miliardë euro buxhet! Deri në shkurt! Ndryshimi, megjithatë po vjen!”, ka shkruar Abdixhiku.