Zëvendësministri i Punëve të Jashtme dhe Diasporës, Kreshnik Ahmeti, është takuar të martën me Përfaqësuesin Special të Gjermanisë për vendet e Ballkanit Perëndimor, Manuel Sarrazin, përcjell Reporteri.net. 

Siç ka bërë të ditur zyra e MPJD-së, në këtë takim është diskutuar për anëtarësimin e Kosovës në organizata ndërkombëtare, posaçërisht në Këshillin e Evropës.

“Zëvendësministri Ahmeti i uroi mirëseardhje dhe e njoftoi z. Sarrazin me aktivitetet aktuale në lidhje me anëtarësimin e Kosovës në organizata ndërkombëtare, me theks të veçantë në Këshillin e Evropës. Po ashtu, të dy biseduan mbi rrugën evropiane të Republikës së Kosovës si dhe mbi bashkëpunimin rajonal”, thuhet në njoftim.

Ahmeti më tej e ka falënderuar Sarrazinin për mbështetjen e Gjermanisë dhe e nënvizoi rëndësinë e suksesit në këto procese edhe për stabilitetin në rajon.