Një aksident mes dy veturave dhe një autobusi ka ndodhur në fshatin Komoran.

Rastin e ka konfirmuar për Gazetën Online Reporteri.net, zëdhënësi i policisë, Bajrami Krasniqi.

Ai ka bërë të ditur se nga ky aksident, tre persona kanë kërkuar ndihmë mjekësore.

“Sot në mëngjes, në rrugën nacionale Prishtinë-Pejë (fshati Komoran), ka ndodhur një aksident trafiku. Në aksident janë përfshirë tri automjete (në mesin e tyre një autobus). Si pasojë e aksidentit tre persona kanë kërkuar ndihmë mjekësore. Njësia përkatëse e policisë është marrë me rastin”, tha Krasniqi për Reporteri.net.