Një aksident i rëndë ka ndodhur para pak minutash në Prishtinë, në rrugën “Bill Clinton”.

Rastin e ka konfirmuar për gazetën online Reporteri.net, zëdhënësja e Policisë për rajonin e Prishtinës, Flora Ahmeti.

Ahmeti njoftoi se në aksident kanë qenë të përfshira dy vetura, dhe si pasojë, tre persona kanë pësuar lëndime trupore.

“Rreth orës 21:00 kemi pranuar informatën se në rrugën “Bill Klinton” në Prishtinë, ka ndodhur një aksident trafiku me lëndime. Në këtë aksident kanë qenë të përfshira dy automjete. Si pasojë e aksidentit lëndime trupore kanë pësuar tre persona. Me rastin po merret njësiti i trafikut”, tha Ahmeti. /Reporteri.net/.