Aksident mes tri veturash në Fushë Kosovë, gjashtë persona të lënduar

Një aksident trafiku ka ndodhur tek rrethi në Fushë Kosovë, ku të përfshira ishin tre vetura.


Reporteri.net kontaktoi me zëdhënësen e Policisë së Kosovës për Rajonin e Prishtinës, Flora Ahmeti, e cila tregoi se nga ky aksident të lënduar kanë mbetur gjashtë persona.

“Rreth orës 18:00, në rrugën Prishtinë- Fushë Kosovë ka ndodhur një aksident trafiku ku janë përfshirë tri automjete. Si pasojë e aksidentit lëndime trupore kanë pësuar gjashtë persona. Të njëjtit janë dërguar për tretman mjekësor në QKUK. Me rastin po merret njësiti i trafikut.”, tha ajo.