Policia e Kosovës njoftoi se të paktën nëntë persona kanë mbetur të lënduar si pasojë e një aksidenti të ndodhur të mërkurën në rrugën rajonale Mitrovicë-Podujevë.

Policia ka njoftuar se aksidenti ka ndodhur rreth orës 14:00, përkatësisht në fshatin Stantërg.

Në aksident janë përfshirë dy vetura, ndërsa personat e përfshirë nuk dihet nëse kanë pësuar lëndime të rënda.

“Aksident trafiku me lëndime, i shkaktuar sot rreth orës 14:00 në rrugën rajonale Mitrovicë- Podujevë, përkatësisht në fshatin Stantërg, në aksident janë përfshirë dy vetura civile, ku përveç dëmeve materiale lëndime ka pësuar nëntë persona”, ka bërë të ditur zëdhënësi i Policisë për rajonin e Mitrovicës, Avni Zahiti.