Një aksident trafiku ka ndodhur në orët e para të mëngjesit të sotëm në rrugën Gjakovë – Prizren, me çrast janë lënduar persë persona.

Këtë e ka konfirmuar për Reporteri.net Lirije Podrimaj, zëdhënëse e policisë rajonale të Gjakovës.

“Në orën 08:00 minuta në mëngjes, në rrugën Gjakovë – Prizren ka ndodhur një aksident trafiku me të lënduar, me ç’rast kemi pesë persona të lënduar të gjithë janë jashtë rrezikut për jetë dhe aksidenti ka ardhë si pasojë e tejkalimit të pasigurt. Në aksident janë përfshirë dy vetura”, ka deklaruar ajo.

Ndërsa sa i përket rrugëve pas reshjeve të shiut, ajo tha se nuk ka vështirësi në komunikacion në këtë rajon dhe se janë duke kontrolluar gjendjen vazhdimisht. /Reporteri.net/.