Albanian
English
German
Serbian
Turkish
Macedonian
Croatian
12 persona janë arrestuar sot në aksionin e Policisë së Kosovës që u zhvillua në disa komuna të vendit, 10 prej tyre zyrtarë të shtetit.
Këto detaje janë bërë të ditura në një konferencë të përbashkët për media të Kryeprokurorit të Shtetit Aleksandër Lumezi dhe Policisë së Kosovës.
Kryeprokurori Lumezi, ka paralajmëruar se aksioni do të vazhdojë në ditët në vijim.
E Gazeta Online “Reporteri.net” merr vesh se aksioni i Policisë pritet të vazhdojë edhe ditën e nesërme.
Sipas burimeve, policia nesër pritet të “trokas” në një nga ministritë e Qeverisë së Kosovës, pasi dyshohet se zyrtarë të caktuar kanë keqpërdorur detyrën zyrtare.
Kujtojmë se Prokurori i shtetit bëri të ditur se sot janë sekuestruar rreth 400 mijë euro, disa vetura dhe laptopë.
Periudha e veprimtarive kriminale të pretenduar është mes viteve 2020-2021. /Reporteri.net/.
