Kandidati i Lëvizjes Vetëvendosje, Albin Kurti, ka folur pasi që partia e tij po del si parti e parë pas më shumë se 50 % të votave të numëruara.

Ai ka thënë se çelësi i suksesit ishte populli, që sipas tij vendosën ta shpëtojnë popullin.

“Ka ndodh ndryshimi demokratik, kur opozita bëhet qevei e ardhshme. Opozita ka fitu në Kosovë dhe kësaj fitore i prinë Vetëvendosje. Opozita do të ngadhënjejë dhe këtij ndryshimi i prine VV dhe do t’i prijë VV”, tha Kurti në Dukagjin, shkruan Reporteri.net.

I pyetur se a e ka uruar ndonjë nga rivalët politik, ai ka thënë se jo.

“Jo, ende jo”, ka pohuar Kurti.

Ai ka thënë se si kryeministër i ardhshëm preferoj që qeveria e ardhshme pret të jetë stabile.

“E shoh partner LDK-në dhe duhet sa më parë që të fillojnë bisedimet për koalicionin e ardhshëm të legjislaturës. Sonte nuk do t’i thërras, por nesër menjëherë”, ka thënë Kurti. /Reporteri.net/.