Krerët e partive politike në vend u janë përgjigjur ftesës së presidentit të vendit, Hashim Thaçi, për takim konsultativ lidhur me gjendjen politike në vend.

Në takim është parë duke shkuar edhe Ministrja në detyrë e Drejtësisë, Albulena Haxhiu, e cila pritet që në takimin me presidentit të përfaqësojë Lëvizjen Vetëvendosje, shkruan Reporteri.net.

Takimi mes liderëve të partive politike dhe presidentit Thaçi që pritet të nis në orën 16:30, do të mbahet për biseduar lidhur me gjendjen politike, konkretisht çështjen e mandatarit pas refuzimit që VV t’ia dërgoi emrin.

Kujtojmë se presidenti Thaçi gjatë ditës së sotme ia ka dërguar edhe letrën e pestë kreut të VV-së, Albin Kurti, pasi që ky i fundit ka refuzuar ta dërgojë emrin e mandatarit. /Reporteri.net