Ambasada e Britanisë në Prishtinë ka uruar të gjithë besimtarët myslimanë për fillimin e muajit të Ramazanit.
Përmes një postimi në rrjetin social twitter, kanë shpërndarë edhe urimin e kryeministres së Britanisë, Theresa May.
“Ramazani përfaqëson vlerat e paqes, reflektimit, devotshmërisë dhe humanitetit në univers. Të gjithë myslimanëve në Britani dhe gjithë botën, urime Ramazani” shkruan May.
Përveç ambasadës Britanike muajin e Ramazanit besimtarëve ua ka uruar edhe ambasadori amerikan në Kosovë, Philip Kosnett.
“Urimet më të mira për të gjithë ata që e shënojnë muajin e shenjtë të Ramazanit në Kosovë”, ka shkruar Kosnett në Twitter.
I pari i shtetit amerikan në Kosovë, ka thënë se pret që të festojnë së bashku këtë festë gjatë këtij muaji.
Pa uruar nuk kanë lënë as liderët e shtetit kosovarë, ata kanë drejtuar urime për myslimanët për muajin e shenjtë të Ramazanit. /Reporteri.net/