×
  • Lajme
  • Lajme

    Ambasadorët e BE-së miratojnë tekstin për liberalizimin e vizave për Kosovën

    Reporteri
    20 Dhjetor 2022 | 11:44

    Ambasadorët e BE-së  kanë miratuar tekstin e kompromisit për liberalizimin e vizave për Kosovën përpara miratimit përfundimtar nga Këshilli i BE-së.

    Kështu është bërë e ditur në një njoftim në Twitter të Presidencës Çeke në BE. Aty thuhet se ky çon Kosovën një hap më tej në rrugën e saj evropiane, shkruan Gazeta Online Reporteri.net

    Më 30 nëntor, Ambasadorët e vendeve anëtare të Bashkimit Evropian i kanë dhënë mandatin Këshillit Evropian që të negociojë procesin e liberalizimit të vizave për Kosovën me Parlamentin Evropian.

    Siç është bërë e ditur liberalizimi i vizave do të nisë në datën e nisjes së sistemit ETIAS, dhe në asnjë rast më larg se 1 janari 2024.

    ETIAS është një sistem i ri, i cili pritet të vihet në funksion nga Bashkimi Evropian, ku qytetarët e shteteve që kanë liberalizim të vizave duhet të regjistrohen para se të udhëtojnë. Një regjistrim pastaj do të ishte i vlefshëm për tre vjet.

    Sistemi ETIAS, pritet të hyjë në fuqi më 1 nëntor 2023. /Reporteri.net

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!