Ambasadori amerikan në Kosovës, Philip Kosnett ka thënë se në situatën në të cilën ndodhet Kosova, ashtu si edhe të gjitha shtetet në botë, duhet të distancohet nga retorika e ashpër politike.

Kosnett ka thënë se një retorikë e tillë shpesh shpesh zbret në racizëm, seksizëm dhe homofobi, shkruan Reporteri.

Ai u ka bërë thirrje liderëve politikë të vendit që të dekurajojnë një gjuhë të tillë.

“Retorika politike në Kosovë – si në vendet e tjera – shpesh zbret në racizëm, seksizëm dhe homofobi. Kjo i bën më pak të respektuar ata që bëjnë sulme të tilla dhe ata që i tolerojnë. Drejtuesit kanë një përgjegjësi të dekurajojnë këtë shëmtinë. Përqendrohuni te faktet, jo te fyerjet”, ka shkruar Kosnett.