Ambasadori i Shteteve të Bashkuara të Amerikës, Philip Kosnett ka kërkuar edhe shkarkimin nga detyra e këshilltarit të presidentit Thaçi, Rrustem Mustafën.

Ndonëse nuk e ka përmendur me emër, Kosnett thotë se shkarkimi do të dëshmonte respektim të sundimit të ligjit.

“I inkurajuar të shoh që disa të dënuar po shkarkohen nga pozitat- kjo duhet të bëhet procedurë standarde për qeverinë. I kënaqur që shoh që mediat po flasin për një të dënuar për krime lufte të emëruar… shkarkimi do të dëshmonte respektim të sundimit të ligjit”, ka shkruar Kosnett në Twiterr.