Ambasadori britanik tregon arsyen pse vizitoi LDK-në

Sot gjatë ditës ambasadori i Britanisë në Prishtinë, Nicholas Abbott, u pa duke dalë nga zyrat e Lidhjes Demokratike të Kosovës. E vizita e Abbott pak para nisjes së mbledhjes së Kryesisë së kësaj partie ngjalli kureshtje, shkruan Reporteri.net.


Për arsyen e vizitës ka folur vet i pari i Ambasadës së Britanisë në Prishtinë.

Në një postim në facebook, Abott ka treguar se ka takuar Isa Mustafën e Lutfi Hazirin.

“Këtë pasdite takova Isa Mustafën dhe Lutfi Hazirin. Diskutuam rezultatin e zgjedhjeve dhe perspektivat e së ardhmes së LDK-së”, shkroi Abbott në rrjetin social Facebook, përcjellë Reporteri.net.

Kujtojmë që LDK është renditur e treta në zgjedhje duke marrë vetëm 13% të votave.

Pas rezultatit të dobët, dorëheqje nga drejtimi i partisë ka dhënë Isa Mustafa dhe e gjithë kryesia e LDK-së.