Analisti kosovar Valon Syla ka aluduar se ish Kryetari i Gjykatës Kushtetuese të Kosovës, Enver Hasani kohëve të fundit është përafruar me Lëvizjen Vetëvendosje, parti kjo që dikur e quante “Kali të PDK-së”.

Syla madje ka thënë se letrën e fundit të Kurtit drejtuar Thaçit, ku i shkruante të mos bëjë vlerësime politike dhe presion përmes paragjykimit të procesit politik të formimit të qeverisë, me sa duket e ka shkruar vetë Enver Hasani.

Tutje Syla ka paralajmëruar se Enver Hasani mund të jetë anëtari më i ri i Lëvizjes Vetëvendosje, shkruan Reporteri.net.

“Enver Hasani duket se e ka shkruar letren e fundit te Albin Kurtit, te cilen ia ka derguar presidentit Thaçi.

Glauku më shumë kish nejt në shtëpi të Enver Hasanit këto ditë, se në zyrën e tij në Kuvend.

I ashtuquajturi “Baba”, për të cilin Lëvizja Vetëvendosje thoshte se ishte “Kali i PDK”-së, tash pritet të jetë anëtari më i ri i tyre”, ka shkruar Syla në llogarinë e tij në Facebook. /Reporteri.net