Arbërie Nagavci e VV-së i është bashkuar thirrjeve të përkrahësve të partisë së saj, ‘Ne do të rezistojmë’.

“Edhe unë rezistoj. Kundër së keqes; kundër pazareve me teritor; kundër përmbysjes së rendit kushtetues; kundër krimit; kundër korrupsionit; kundër vjedhjes së votës; kundër banditëve; kundër atyre që vjedhin shpresën….”, shkruan ajo në llogarinë e saj në Facebook.

Nagavci tutje ka thënë se lista e arsyeve për të rezistuar është e gjatë, kurse e drejta jonë për rezistencë paqësore, e garantuar.

“Ne kemi dinjitet, andaj dhe rezistojmë. E ne jemi shumë dhe shumë do të rezistojmë”, ka shkruar ajo.

Kujtojmë se gjatë ditës së sotme, Policia e Kosovës e ka ftuar për intervistim në cilësinë e të dyshuarit Shkëlzen Gashin këshilltarin politik të Kryeministrit në detyrë, Albin Kurti për shkak të thirrjeve të tij për rezistencë. /Reporteri.net