Kryetari i Preshevës, Shqiprim Arifi ka folur në lidhje me 2 milionë eurot që janë ndarë nga Qeveria e Kosovës për Preshevën.

Arifi tha se ato para ende nuk janë transferuar.

“Kisha dashur ta di edhe unë se ku është problemi që ne në muajin e shtatë ende nuk i kemi të transferuara mjetet e parapara me buxhetin e Kosovës për Luginën e Preshevës.”
Tutje, ai tha se është i befasuar që ende nuk ka ndodhur transferimi i këtyre mjeteve.

“Ne kemi qenë shumë falenderues për ndihmën që Qeveria e Kosovës e ka paraparë për 2022 dhe që i ka ndarë mjetet nga buxheti i tyre, por ende nuk janë transferuar. Unë jam i befasuar nga kjo gjë”, u shpreh tutje ai në Klan Kosova.