Policia e Kosovës ka arrestuar Andi Pajazitin, i njohur me nofkën Italiani i cili është njëri prej të dyshuarve kryesorë për plagosjen e katër personave në klubin e natës ‘Duplex’ në Prishtinë.

Lajmin për Gazetën Sinjali e ka bërë të ditur një sinjalizues nga lagjja “Velania” në Prishtinë.

23 vjeçari është kapur nga forcat e rendit duke e rritur në tre numrin e të arrestuarve nga grupi i dyshuar prej shtatë anëtarësh që udhëhiqet nga Astrit Mehmeti i njohur me nofkën ‘Llepota’, shkruan Gazeta Sinjali.

Mehmeti dhe të dyshuarit tjerë të identifikuar, që dyshohet se janë implikuar në këtë ngjarje,janë ende në kërkim të policisë.

Në konfliktin e armatosur kishin mbetur të plagosur katër pjesëtarë të sigurimit të lokalit, Mentor Bogujevci, Arben Jashari, Kujtim Gashi dhe Arsim Shala.

Astrit Mehmeti është emër i njohur për Policinë e Kosovës, dyshohet se është i implikuar edhe në raste të tjera të kësaj natyre.