Policia serbe ka arrestuar në Serbi një ish-pjesëtar të Ushtrisë Çlirimtare të Kosovës.

Ai ka qenë duke u kthyer në Kosovë dhe ka qenë i shoqëruar nga një person tjetër, shkruan Reporteri.net, në momentin kur është ndaluar dhe arrestuar nga Policia serbe.

Burime të Gazetës Online “Reporteri.net” bëjnë të ditur se i arrestuari është Marjan Gjokaj udhëheqës i një divizioni në Administratën Tatimore të Kosovës në qytetin e Gjakovës.

Motivet e arrestimit të Gjokajt nga autoritet serbe ende nuk dihen.

Kujtojmë se në vitin 2016 policia serbe kishte arrestuar drejtorin e Policisë së Kosovës për rajonin e Mitrovicës, Nehat Thaçi në vendkalimin kufitar në Konçul, mbi bazën e një fletëarresti të Gjykatës së Lartë në Nish, nën dyshime për veprën penale “të terrorizmit”.

Atij, autoritetet e drejtësisë në Serbi, i patën caktuar masën e paraburgimit prej 30 ditësh.

Pas arrestimit të Thaçit, Kuvendi i Kosovës pati miratuar një rezolutë, me të cilën kërkohej lirimi i menjëhershëm, dhe i kërkohej “Bashkimit Evropian që përmes mekanizmave të tij detyrues të ndërhyjë tek Qeveria e Serbisë që të lirohet Thaçi”. /Reporteri.net/.