Nga ora 09:30 pritet që të nisë protesta e paralajmëruar e veteranëve për të kundërshtuar mospërfshirjen e tyre në projektligjin e pagës minimale.

Megjithatë, një grup i tyre tashmë është tubuar në sheshin kryesor të Prishtinës, para ndërtesës së Kuvendit të Kosovës.

Para dy dite, Kuvendi i Kosovës ka votuar në parim projektligjin që përcakton pagën minimale. Gjatë procesit të votimit u dëgjuan thirrjet “marre” nga deputetët e opozitës, të cilët kundërshtuan këtë projektligj meqë nuk i përfshinte edhe veteranët e UÇK-së, të cilët javën e kaluar protestuan para Kuvendit të Kosovës.

Disa nga partitë opozitare kanë dalë në mbështetje të protestës së veteranëve.