Asnjë rast i vdekjes si pasojë e Covis-19 nuk është shënuar në 24 orët e fundit në Kosovë.

Lajmin e ka bërë të ditur, ministri i Shëndetësisë, Armend Zemaj përmes një postimi në Facebook.

Zemaj po ashtu ka bërë të ditur se në 24 orët e fundit janë konfirmuar edhe 42 raste të reja pozitive me Covid-19.

“Sot, lakorja e situatës së pandemisë për 24 orët e fundit, është e kënaqshme. Nuk ka asnjë rast të vdekjes së pacientëve nga Covid 19, ndërsa 42 kanë rezultuar pozitiv”, ka shkruar Zemaj.

https://www.facebook.com/zemajarmend/posts/3451468521566670

Njoftimi i IKSHPK-së:

54 TË SHËRUAR DHE 42 RASTE ME COVID-19!

Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 645 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 42 raste pozitive. Brenda 24 orëve nuk është raportuar asnjë rast i vdekjes me SARS CoV-2 pozitiv.

Numri total i rasteve pozitive është 15.705 raste nga 69.108 persona të dyshimtë në virusin SARS-CoV-2 dhe 627 raste të vdekjes.