Barnatorja ‘Rexall’ në Prishtinë përfshihet nga zjarri

Barnatorja “Rexall” në Prishtinë është përfshirë nga zjarri në orët e para të mëngjesit.


Rastin e ka konfirmuar zëdhënësja e Policisë së Kosovës për Rajonin e Prishtinës, Flora Ahmeti, e cila ka bërë të ditur se nuk ka persona të lënduar nga zjarri, shkruan Reporteri.net.

“Në ora 03:05, policia është njoftuar për një zjarr në një barnatore ,në bulevardin ‘Dëshmorët e Kombit’ Prishtinë. Njësitet relevante policore kanë dalë në vendin e ngjarjes. Janë njoftuar edhe ekipet e zjarrfikësve të cilët kanë lokalizuar zjarrin. Nga zjarri nuk ka persona të lënduar.  Me rastin i cili është cilësuar si zjarrvënie po merret Njësiti i hetimeve të Përgjithshme në Prishtinë.”, ka thënë Ahmeti.