Të mërkurën pasdite në disa faqe të internetit të cilat vetën e paraqesin si media, u publikua një lajm, kinse kryeministrit Albin Kurti i ishte refuzuar viza amerikane. Gjë e cila u demantua shpejtë nga zyra e Kryeministrit. Megjithatë në mediat serbe lajmi u çua edhe më tutje, duke realizuar edhe karikaturë, ku kryeministri kosovar paraqitet si i refuzuar nga Amerika.

Portali serb në Kosovë, KosovoOnline, ka publikuar një karikaturë, me anë të së cilës provohet të thuhet se kryeministrit kosovar Albin Kurti, nuk i lejohet të vizitojë Amerikën.

E gjithë kjo ndodhi, pasi një webfaqe që vetën e quan media, publikoi një lajm të rrejshëm, se kinse Kurtit i ishte refuzuar viza amerikane.

Ky lajm i rrejshëm u demantua shpejtë nga zyra e Kryeministrit. Zëdhënësi i Qeverisë, Përparim Kryeziu i tha mediave, se kryeministri Kurti ka vizë amerikane në pasaportën e tij, dhe ai shumë shpejtë do të qëndrojë për një vizitë në SHBA.

”Kryeministri Kurti është i pajisur me vizë amerikane. Ai do të udhëtojë për në Shtetet e Bashkuara të Amerikës së shpejti. Vizita e tij është duke u planifikuar”, ka thënë Kryeziu. /Reporteri.net