Berisha: Uniteti i brendshëm tejet i rëndësishëm që Kosova të mos vendnumërohet në Dialog

Gazetari Ridvan Berisha konsideron se është e rëndësishme të krijohet unitet i brendshëm mes Kosovës dhe Shqipërisë.

Sipas tij, kjo është e realizueshme vetëm nëse liderët e dy shteteve veprojnë me pjekuri.

Berisha ka vënë në pah faktin se paqja me Serbinë varet nga vetë ata, teksa ka shtuar se Kosova nuk ka asnjë problem me Shqipërinë dhe se janë të kota polemikat mbi takimet që i realizoi presidenti shqiptar, Bajram Begaj, gjatë vizitës së tij dy ditore në Kosovë.

“Nuk kemi asnjë problem me Shqipërinë, të kota e krejt të parëndësishme janë polemikat mbi takimet që i realizoi presidenti shqiptar gjatë vizitës dy ditore në Kosovë. Për çështjet e bredshme, që janë brengë e çdoditshme e qytetarëve, ama bash kurrë mos u pajtofshi, polemizoni pa fund, kjo është demokracia!”, tha ai. /Reporteri.net/.

Postimi i plotë:

Dialogu me Serbinë është tema kryesore, si të formulohet marrëveshja për paqe midis te dy shteteve, si të gjendet një model për të dalë nga moçali i brendshëm i përplasjeve politike, etj, etj! Uniteti i brendshëm është tejet i rëndësishëm në mënyrë që të mos vendnumëron shteti ynë, të cilën situatë gati pikëlluese thuajse e kemi që prej disa vjetësh në marrëdhëniet ndërkombëtare!

A është lehtë i realizueshëm ky unitet?!

Në mendimin tim, patjetër se po, është lehtë i arritshëm po vepruan me pjekuri liderët tanë, e përgjegjësia për këtë kauzë natyrisht se bie më shumë mbi mazhorancën.

Do të doja ta shihja një fotografi të tillë në interes të shtetit tonë!

E dijmë fare mirë që me kë kemi të bëjmë dhe se paqja nuk varet nga ne. Ajo çfarë paraqet zemërim sistematik i referohet politikanëve tanë, të cilët padyshim se për një grusht votash, nuk po e tejkalojnë pragun e fisit, duhet të prodhojnë shpresë në mënyrë që masat e gjera të mos kemi empati toksike mbi të zgjedhurit, të parandalohet çdo virus që rritë polemikat e kota midis njerëzve të rëndomtë!

Nuk kemi asnjë problem me Shqipërinë, të kota e krejt të parëndësishme janë polemikat mbi takimet që i realizoi presidenti shqiptar gjatë vizitës dy ditore në Kosovë.

Për çështjet e bredshme, që janë brengë e çdoditshme e qytetarëve, ama bash kurrë mos u pajtofshi, polemizoni pa fund, kjo është demokracia!