Kryetari i zgjedhur i Komunës së Mitrovicës Veriore, Erden Atiq ka dhënë betimin e tij si udhëheqës i ri i kësaj komune, shkruan Gazeta Online Reporteri.net.

Atiq tha se do ta kryejë detyrën e tij me përgjegjësi dhe përkushtim.

Pas përfundimit të procedurës së betimit, Atiq ka ka emëruar Katarina Agjanqiq nga komuniteti serb si nënkryetare të Komunës.

Në zgjedhjet e 23 prillit, kandidati i Lëvizjes Vetëvendosje, Erden Atiq ka marrë 66.9% të votave.

Para betimit të kryetarëve të rinj kanë reaguar edhe shtetet e QUINT-it, të cilat përmes një deklarate u kanë bërë thirrje të gjitha palëve të përmbahen nga përdorimi i forcës ose veprimet që ndezin tensionet ose nxisin konfliktin.

Në ceremoninë e betimit u pa edhe Ministri i Administrimit të Pushtetit Lokal, Elbert Krasniqi. /Reporteri.net/