Dje rreth orës 19:00 në lagjen Emshir në Prishtinë ka rënë ashensori në njërën nga ndërtesat, ku si pasojë ka pasur edhe të lënduar.

Lajmin për Gazetën Online Reporteri.net e ka konfirmuar zëdhënësja e policisë për rajonin e Prishtinës, Flora Ahmeti.

E njëjta ka bërë të ditur se në të ndodheshin 9 persona, ku 3 nga ta kanë pësuar lëndime dhe janë dërguar për tretman mjekësor.

“Dje rreth orës 19:00 kemi pranuar informatën për një incident (rënie e ashensorit) në lagjen Emshir në Prishtinë, saktësisht në një ndërtesë në rrugën “Hysni Gashi” ku janë lënduar 3 nga 9-të personat të cilët ishin në një ashensor. Personat e lënduar janë dërguar për tretman mjekësor, ndërkohë që policia në koordinim me prokurorinë dhe institucionet kompetente po merren me rastin”, tha Ahmeti për Reporteri.net.