Zëvendëskryeministri Besnik Bislimi është takuar sot me emisarin e Gjermanisë për Ballkanin Perëndimor, Manuel Sarrazin.

Bislimi, sipas komunikatës për media të qeverisë së Kosovës, i ka kërkuar përfaqësuesit gjerman heqjen e masave ndaj Kosovës.

Zëvendëskryeministri në këtë takim i ka thënë Sarrazinit se masat janë të padrejta dhe se “duhet të hiqen sa më parë”.

Bislimi dhe Sarrazin diskutuan edhe për situatën në Kosovë, rajon dhe zhvillimet e fundit politike.

“Zëvendëskryeministri Bislimi e falënderoi emisarin Sarrazin për përkushtimin, angazhimin e tij të vazhdueshëm e intensiv dhe për këtë vizitë të radhës në vendin tonë”, thuhet në njoftim.