Anëtari i Vetëvendosjes, Boiken Abazi, ka bërë një konkludim ironik pas daljes së raportit të Departamentit Amerikan të Shtetit (DASh).

Abazi ka lidhur këtë raport me sulmet që i bëri Richard Grenell kryetarit të tij, Albin Kurtit – duke përmendur se kjo qeveri ka ndërmarrë hapa konkretë për të luftuar korrupsionin.

Ndër tjerash ai quan z.Grenell si gënjeshtar ndërkohë që vjen në konkludimin (nëse merren të mirëqena të dy deklarimet, nga Grenell dhe DASh si të vërteta) se të luftosh korrupsionin je amerikan.

Më poshtë statusi i plotë i Abazit:

Raporti 2020 i sapo publikuar nga Departamenti i Shtetit për qeverinë Kurti, thekson se qeveria ndërmori hapa konkretë kundër korrupsionit, por që nuk i çoi deri në fund për shkak se iu ndërpre mandati. Grenelli, pasi u demaskua nga Kurti dhe LVV, tha se Kurti është antiamerikan. Nëse i besojmë gënjeshtrat e Grenellit, dhe nëse hipotetikisht janë të mirëqena të dy pohimet, a i bie atëherë që të dalim në konkluzionin se ata që luftojnë korrupsionin janë antiamerikanë?