Drejtuesit e 27 vendeve të BE-së dhe Parlamenti Evropian do të diskutojnë nesër masat e përbashkëta evropiane në një video- konferencë të jashtëzakonshme për të luftuar koronavirusin dhe pasojat e tij në shoqëri dhe ekonomi.

Liderët e BE-së gjithashtu duhet të konfirmojnë nesër vendimin e Këshillit të BE për të hapur negociatat e pranimit me Maqedoninë Veriore dhe Shqipërinë, dhe Brukseli mirëpret faktin se përkundër krizës pandemike, BE mbetet e përqendruar në çështje strategjike siç është zgjerimi në Ballkanin Perëndimor.