Sipas mediave turke, është bërë e ditur se një vajzë 14-vjeçare u shpëtua nga rrënojat 58 orë pasi një tërmet 6.6 ballësh tronditi qytetin turk Izmir në bregun e Detit Egje.

Pasi iu ofrua ndihma e parë, Idil Sirin u dërgua në spital.

Deri më tani, ekipet e Agjencisë së Menaxhimit të Fatkeqësive dhe Emergjencave (AFAD) kanë shpëtuar 105 njerëz nga rrënojat, ndërsa aktivitetet e kërkim-shpëtimit vazhdojnë, raporton Anadolu Agency (AA).

Turqia është ndër zonat sizmike më aktive në botë, ndërsa ka pësuar tërmete shkatërruese edhe në të kaluarën.