Joe Biden të enjten gabimisht iu referua presidentit ukrainas Volodymyr Zelensky si Presidenti Putin – president i Rusisë, kur e prezantoi atë në një ngjarje të NATO-s, një gafë që erdhi pak para një konference shtypi.

“Tani, dua t’ia  jap fjalën presidentit të Ukrainës, i cili ka aq guxim sa vendosmëri. Zonja dhe zotërinj, president Putin”, tha Biden, transmeton gazeta online Reporteri.net.

“Ai do të mundë presidentin Putin. Presidenti Zelensky”, tha Biden, duke u korrigjuar shpejt. “Jam shumë i fokusuar në mposhtjen e Putinit, duhet të shqetësohemi për këtë”, vazhdoi ai.

“Unë jam më i mirë,” tha Zelensky.

“Ju jeni shumë më mirë”, shtoi Biden. /Reporteri.net/

🇺🇸🇺🇦 'And now I want to hand it over to the President of Ukraine… ladies and gentlemen, President Putin.'

Yep, an instant top 10 Biden mess-up. pic.twitter.com/TXrEuGSL7l

— DD Geopolitics (@DD_Geopolitics) July 11, 2024