Presidenti i ShBA-ve, Joe Biden është ne vizitë në Irlandë ku u takua me priftin i cili kishte udhëhequr ceremoninë e varrimit të djalit të tij, Beau i cili vdiq nga kanceri në tru në vitin 2015.

Beau Biden punoi në Kosovë pas luftës të viteve 1998-1999, përkatësisht në vitin 2001 në trajnimin e prokurorëve dhe gjyqtarëve vendas.

Gjatë vizitës në Kncok Shrine, presidenti amerikan takoi priftin Frank O-Grady.

“Ishte një gjë e mrekullueshme dhe spontane”, tha prifti.

Ndërkaq, Fr Richard Gibbons i tha BBC-së se i kishte dhënë një shëtitje Biden-it në bazilikën e Knock Shrinre.

Biden aty foli për familje, besimin si dhe për djalin e tij Beau.

Presidenti amerikan kishte kërkuar që ta gjenin priftin i cili performoi ritet e fundit të djali I tij.

“Ishte spontane. Biden qau, vërtetë e preku atë dhe më pas u lutëm bashkë për familjen e tij”, ka thënë prifti.

Në vitin 2016, Joe Biden vizitoi Kosovën së bashku me familjen e tij si nënpresident i SHBA-ve për të inauguruar rrugën Beau Biden afër kampit Bondsteel.